Reflexionando en Sobrado dos Monxes

    Este mes de novembro facemos a nosa última ruta do ano. Marchamos a Sobrado dos Monxes a percorrer unha ruta de 18 kilómetros, pero desta vez a actualidade política crúzasenos no camiño. Como o día previsto, o domingo 29, é no que están convocadas as eleccións, marcharemos de ruta o sábado 28, no día de reflexión. Se precisades tempo para pensar no voso voto ou para relaxar a mente antes do día da votación, non hai mellor forma que vir con nós. Camiñar axuda a pensar e fai o rumiar do noso cerebro máis efectivo. 

    Desta vez o camiño promete boas vistas e lugares interesantes. Sairemos do mosteiro e percorreremos a Carballeira e a Lagoa dos Monxes. E logo chegará o maior reto, subir a modo á Serra do Bocelo para visitar o noso patrimonio megalítico. iro, visitaremos a Lagoa dos Monxes e varios munumentos megalítico, o Dolmen de Forno de Mouros e a Pena da Moura. O camiño remata baixando de novo ao mosteiro onde nos poderemos alimentar e recuperar folgos da camiñada. 

    Como vedes é unha ruta longo e con subida á montaña, mais non moi pronunciada. O sendeiro transcorre por estrada, por camiños ben abertos con algúns tramos por sendeiros menos abertos. Contamos con atopar zonas enlamadas, así que vide preparadas para enchoupar algo os pes, mais sen dificultade técnica. 

    Se vos animades a pasar esta xornada de reflexión con nós podedes inscrivirvos enchendo este formulario:

https://forms.gle/jefruNk1YixxM5n39

Para calquera dúbida ou dificultade na inscripción podedes contactar con Ines no 653 013 224 ou escribir ao correo aminhapulga@gmail.com.

Custe da ruta: 22 € socias da A.V. Agra / 27 € non socias

Ruta polo val do río Cambás en Aranga.

O domingo 25 de outubro voltamos a percorrer unha ruta frondosa a beirario de 14 kilómetros antes de que a chuvia nos peche o camiño. 

Este outono tan preguiceiro danos a oportunidade de visitar a ribeira do río Cambás en Aranga para descubrir as fervenzas do Rego da Palanca e o pozo de Castro Rodicio. Iremos camiñando por sendeiros estreitos e algo enlamados na fraga das Barbudas, un bosque atlántico de 50 hectáreas. Non vos preocupedes, non as percorreremos todas. Iso si, é unha ruta de dificultade media con zonas que esixen un pouco de tino ao poñer o pé para evitar esvarar, así como algún sube-baixa.

A ruta comeza na ponte barroca de Aranga para chegar á área recreativa de Muíño da Congostra. De seguido atravesaremos a unha braña que da paso á fraga das Barbudas, moito máis mesta e pechada na que poderemos desfrutar da convivencia de carballos, castiñeiros, acibros e tímidos animais. O seguinte fito será visitar as fervenzas do río Palanca, unha delas de 30 metros, para voltar logo a percorrer o Barranco da Loba. Este tramo está dominado por grandes penedos de granito. A guinda da ruta será a fervenza de Castro Rodicio. Quen sabe se damos atopado o ouro que garda no seu interior o pozo que forma!

Se té ánimas a vir con nós podeste anotar neste formulario:

https://forms.gle/Nn5qtqH3oN1cKFDD7

Custe: 

22 € socias / 27€ non socias

Ruta polo Sor: da Ribeira do Bispo a Augas Caídas

    O vindeiro domingo 27 de setembro comezamos a tempada de camiñatas en Mañón. Imos percorrer os 12 km. da ruta de Ribeira do Bispo ao Miradoiro de Aguas Caídas. 

    Trátase dunha ruta á beira do rio Sor pesando nun bosque de ribeira atlántico dos que tanto coñemos: bidueiras, ameneiros, carballos, fieitos...pasarémoslle a todos pola casa. A zona é boa para apesca e, aínda que non teremos tempo de sacar as cañas, si visitaremos varios refuxios de pescadores que reaprobeitan antigos muiños. Un dos puntos fortes desta ruta espéranos cara o final, cando poderemos contemplar a fervenza da Mexadoira dende o miradoiro de Aguas Caídas. Un salto de auga de 50 metros a través do que o rio Seixo verte a súa auga no Sor. 

    O camiño é o sube-baixa habitual á carón dos rios con algunha subida pronunciada, pero en xeral moi asequible para non romper as pernas no inicio da tempada. 

    Se vos animades a vir podedes inscribirvos enchendo este formulario:

https://forms.gle/2noqijUWmN8D3b376

Custe: 22€ socias /27€ non socias

Contacto: aminhapulga@gmail.com

Whatapp: 653 013 224

Programación 2026 -27

Neste mes de setembro comezamos de novo o movemento e continuaremos ata xuño, co debido descanso do Nadal. O ultimos domingos de cada mes reunirémonos de novo para gastar as botas e visitar ou revisitar camiños galegos e un chisco alem. A programación é a seguinte:

• 27 de setembro de 2026 - Ruta de Ribeira do Bispo e Augas Caídas (Mañón)
• 25 de outubro de 2026 - Veiga do Mandeo e Val de Cambás (Aranga)
• 29 de novembro de 2026 - Ruta de Sobrado ao dolmen de Forno de Mouros (Sobrado dos Monxes)
• 31 de xaneiro de 2027 - Semieira de Vilagocende (Fonsagrada) - Cocido
• 28 de febreiro de 2027 - De Cabo Prior a Montefaro (Ferrol)
• 20 e 21 de marzo de 2027 - Fin de semana no Val do Jerte (Cáceres)
• 25 de abril de 2027 - Sendeiro de Quitá a Rio Dosal (Becerreá)
• 30 de maio de 2027 - Val do Quiroga ou Pasarelas do Río Mao (Quiroga) - Troitada
• 27 de xuño de 2027 - Serra do Barbanza e pozas do río Pedras - (Pobra do Caramiñal) 

Este ano introducimos algunha novidade. A troitada en Quiroga ímola facer na penúltima ruta, para asegurarnos que non nos colle unha ola de calor de inicio do verán e podemos desfrutar os camiños da Ribeira Sacra mesmo a pleno sol. A cambio a última ruta da tempada está pensada para desfrutar dun bon chapuzón e sacarlle partido ao bañador.

A proposta de fin de semana, está situada moi perto da Semana Santa. Por qué esta escolla tan arriscada e se cadra incómoda para os nosos calendarios? A aposta é alta. Interaremos chegar ao val do Jerte en plena floración das cerdeiras para desfrutar do espectáculo. Imos intentar afinar a puntería. 

O custe das rutas, salvo a posposta de fin de semana, é de 22€/persoa para socias da Asociación Veciñal do Agra do Orzán e de 27€/persoa para as non socias.

Para inscribirvos podedes facelo enviando un correo a aminhapulga@gmail.com, enchendo a ficha de inscripción que atoparedes en cada un dos artigos de descripción das rutas ou contactando a través do telefono 653 013 224 (Inés). As prazas asignaranse por orde de inscripción.

Custe: 22€ socias /27€ non socias.

Contacto: aminhapulga@gmail.com

Whatsapp: 653 013 224

Pregamento de troitas en Quiroga

A última viaxe da temporada vai ser este domingo 28 de xuño, logo do San Xoán, e marchamos a Quiroga a comer as troitas. 

Ollo! Desta volta sairemos ás 8:00 da mañá.

Contra todas as normas cívicas e do bon vivir madrugaremos un pouco máis do normal para protexernos do calor.

Recollemos a última semente de Samuel. Se o tempo acompaña, imos percorrer a ruta do pregamento xeolóxico de Campodola- Leixazós. Trátase dunha ruta de 7,5 km. en dirección descendente na que imos coñecer (ou recoñecer) este impresionante monumento natural. As forzas tectónicas dobráronnos o chan! 

O choque das pracas tectónicas dobrou a corteza terrestre neste punto aló polo período Carbonífero. Xa choveu! É tanto!!Normalmente estas cousas quedan baixo terra e pouco lles prestamos atención. Pero aquí o río Ferreiriño, grazas ao tanta chuvia, puido facer un traballo de formiguiña durante millóns de anos deixando á vista un corte transversal deste pregamento no seu cañón. 

E aló que nos imos nos a botarlle unha ollada. O camiño permítenos pasar a darlle as grazas ao Ferreiriño. Pasearemos polas súas veiras e fervenzas. Tras pasar baixo o pregamento a paisaxe mudará xa que atravesamos á outra aba do monte para descer a Campos de Vila con paisaxe máis descuberta. 

Ao rematar, marchamos a comer as troitas ao Mesón de Luis. Alí nos esperan con sombra, fresco, troitas fritas, boas ensaladas e carne asada para que repoñamos forzas e celebremos o peche destes nove meses de bon camiñar.

Se queres vir pódeste anotar cubrindo este formulario:

https://forms.gle/FTnPpRh5qLGSSWfZA

E tamén podes contactar a través do teléfono 653 013 224. 

Custe da ruta: 22 € socias / 27 € non socias

Custe da comida: 25 €

Total: 47 € socias / 52 € non socias

Fin de semana de camiñadas no Parque Natural de Montesinhos.

Do 30 ao 31 de maio marchamos á coñecer o Parque Natural de Montesinho, no noreste de Portugal. Este entorno natural montañoso, situado na fronteira con Zamora e Ourense, a altura de Viana do Bolo e Sanabria,  é unha zona de grande beleza e diversidade natural. Fórmano os macizos de Montesinho e a Coroa (Sierra de la Culebra) que combinan altos de ata 1481 metros con profundos vales. Os seus ríos enchen de auga o Douro e crean fermosas paisaxes casa de lobos, cervos, gatos bravos, ratas de auga, carballos, corticeiras e varias plantas endémicas.

Situado nos concellos de Bragança e Vinhais ocupa as maior parte da antiga provincia de Tras-os-Montes. Faremos campamento na súa capital, Bragança, antiga cidade romana e solar dunha das máis nobres familias da historia de Portugal, para andar os seus camiños. 

O sábado 30 de maio ás 8:00 h. da mañá marchamos da Coruña coa intención de chegar a aldea de Montesinho, moi perto da fronteira zamorana, para xantar. 

A primeira hora da tarde sairemos dela a percorrer as nosa primeira ruta da viaxe: o PR3 "Porto Furado". Un percurso circular de 9 km. no que ascendemos ata o encoro de Serra Serrada atravesando fraga e paisaxe de alta montaña con mato baixo e boas perspectivas sobre as serra. 

A volta visitaremos esta fermosa aldea tradicional portuguesa que lle dá nome ao parque e con sorte, haberá quen probe o seu queixo e a súa mel. 

A media tarde tomaremos camiño a Bragança onde nos instalaremos nos nosos aloxamentos e nos reunirémos a cear. Quen teña forzas, trala cea, poderá unirse a unha visita pola cidade. Percorreremos o seu casco antigo pasando polas ruelas da Cidadela, o castelo medieval e pola Domus Municipalis, o único edificio románico civil da península. 

No día seguinte tralo almorzo iremos en dirección ao Vinhais, unha vila no oeste do parque coñecida polos seus ancestrais Entroidos, os "Diabos", e polos seus "fumeiros", uns saborosos embutidos. Alí faremos unha camiñada circular de 15 kilómetros entre as aldeas de Río de Fornos e Travanca. Percorreremos todo un val por camiños ben abertos que serpentean entre prados e bosques de castiñeiros. A media tarde, tras recuperar forzas cun bo café portugués, iniciaremos o camiño de volta á Coruña. 

A viaxe inclúe o desprazamento, o aloxamento, a cea do primeiro día e máis o almorzo e os bocadillos do xantar do segundo día, o seguro e o guiado. 

O custe é de 130€ + aloxamento. 

Imos contar con dous tipos de aloxamento para adaptarnos, na medida do posible, ás preferencias das participantes e ás prazas dispoñíbeis: a Pousada da Xuventude de Bragança e o Hotel Nordeste Shalom (**). 

As opcións de aloxamento son as seguintes: 

1. Cuarto de 4 camas na pousada: 22€ - Custe total: 152€

2. Cuarto dobre na pousada: 25€ - Custe total: 155€

3. Cuarto dobre no hotel: 32€ - Custe total: 163€

4. Cuarto individual no hotel: 47 € - Custe total: 177€

Se queres vir tes ata o 15 de maio para inscribirte. Podes facelo cubrindo este formulario: 

https://forms.gle/mpWEEoMr25Kvoi4T7

Para máis información podes chamar ou escribir por whatsapp e telegram ao 653 013 224 (Inés). 

Pena Guimara: entre soutos e covas na Fonsagrada.

O vindeiro domingo 26 de abril nos Camiños do Agra marchamos de ruta a Reserva da Biosfera do Río Eo, Oscos e Terras de Burón. Nos desprazamos á Fonsagrada para percorrer aldeas, soutos e camiños a beirarrío rodeados de arquitectura tradicional e árbores centenarias. 11 kilómetros de camiños de montaña coas súas subidas e baixadas á sombra de boa vexetación autóctona. 

O noso camiño comeza na aldea de Vilardiaz con boas mostras de casas tradicionais e un hórreo con teito de palla. Saímos dela a traves dos Bosques de Carballido, declarados Lugar de Interese Comunitaria, atravesando un souto no que atoparemos varios teixos. Aquí o camiño descende e esixe menos esforzo. 

Chegados a beira do río Veiga de Logares iremos atopando carboneiras e corripas (lugares para a conservación das castañas) que demostran como nos sostén a natureza visitamos.  

Ascendendo polo río chegamos ao unha aldea é ben antiga, como indica o seu nome, Castro Romean. Non nos achegaremos ata o xacemento pero poderemos tomar un descanso entre casas tradicionais ben conservadas. 

Moi perto dela atoparemos San Martín de Robledo, onde as casas se encaixan nas rochas para aprobeitar o terreo. A súa igrexa conserva un bo exemplo de patio cuberto. 

Dende alí, voltaremos a Vilardiaz, agora si costa arriba, atravesando un souto e contemplando covas escavadas pola auga nas que ben se podería atopar unha moura se buscasemos experiencias sobrenaturais. 

Se te ánimas a vir podes inscribirte enchendo este formulario: 

https://forms.gle/hG9cXbpcd2HoP5YN7

Custe da ruta: 

22€ socias / 27€ non socias.

Contacto:

653 013 224 (Inés)

Ruta ao Alto das Tres Pedras en Olveiroa.

    A ruta do mes de febreiro lévanos a Olveiroa, unha aldea de Dumbría dende a que percorreremos os vales próximos e subiremos ao Alto das Tres Pedras a contemplar as súas vistas panorámicas. O camiño lévanos por 15 kilómetros de pistas cómodas e ben abertas entre plantacións de millo e piñeirais ascendendo de vagar.

    Iniciamos en Olveiroa, unha aldea ben conservada situada no Camiño de Santiago a Fisterra. Alí poderemos desfrutar da súa arquitectura tradicional con casas ben conservadas, horreos e algúns elementos característicos como as lacenas das abellas. Estas estructuras, habituais na Costa da Morte e no Barbanza, permitian á xente da casa ter mel e cera sempre a disposición con so abrir unha porta.

    De Olveiroa dirixirémonos á Capela de Santa Lucía, na ladeira do monte Sino. Nela se celebra cada ano  a romaría adicada a esta santa na que a xente pide axuda para males da vista na véspera de pentecostés. A tradición é labar a cara na fonte situada ao seu carón, secar os ollos cun pano e deixalo a secar na matogueira próxima. Se cadra podemos probar sorte e voltar con vista de lince a casa.

    Percorreremos de seguido o val ata o Rego do Cadro e ascenderemos cara o parque eólico Ponte Rebordelo desfrutando das vistas do monte Chan da Lagoa, a aldea de Paradela , a vila de Fisterra no fondo e, sobre de todo, o Monte Pindo.  

    Chegaremos neste punto á aldea de Logoso e de seguido ao Alto das Tres Pedras, a formación granítica que da nome a esta ruta. Tras desfrutar das vistas, descenderemos de novo ao val entre prados e plantacións de millo pasando pola aldea de Lucín para voltar de regreso a Olveiroa. 

    Se vos apetece acompañarnos podedes incribirvos enchendo este formulario:

https://forms.gle/RLxzjLa1yFeMKu5o8

Custe: 22 € socias / 27€ non socias

Contacto: aminhapulga@gmail.com

Whatsapp: 653 013 224

Polo Monte Branco á beira do pirlo e o mazarico.

    Este 2026 comezamos o ano camiñando e comendo. A proposta é percorrer Sendeiro PR-G 148 polo mar de Corme e a ribeira do Anllóns, un percorrido suave de uns 10 kilómetros, e ao rematar ir comer un bon cocido a Casa Mosqueira. 

    A ruta iniciarémola no porto de Corme e percorreremos a costa seguindo os cantís o os areais de Arnela, Osmo e Ermida. Adentrarémonos logo un pouco no monte para achegarnos a Gondomil, onde atoparemos a Pedra da Serpe, un enirmático grabado en pedra que representa unha serpe alada á que decidimos coroar cunha cruz en tempos de cristianismo. 

    De seguido manteremos a cota pasando por sobre dos cantís cunhas vistas da ría e Corme e Ponteceso que nos axudarán a recuperar o pouco folgo que perdesemos. Unha vez que atravesemos a praia de Balarés o camiño adéntrase no complexo dunar de Monte Branco, unha das maiores dunas rampantes de Europa. Non imos subila, andermos pola beira e con moito coidado para non molestar á píllara das dunas. En breve ela lle dará o relevo ao mazarico, que nos acompañará cando nos adentremos polas mariñas do Anllóns ate chegar á Ponteceso. Remataremos un pouquiño antes de chegar á casa museo de Eduardo Pondal. 

    Trala ruta encheremos o badullo cun bon cocido comunitario en Pazos para celebrar o ano e adiantarnos un pouco ao Entroido.

    Se vos animades a acompañarnos, podedes cubrir este formulario e vos conctactamos para confirmarvos as praza:

https://forms.gle/A3oyMF372BiqYLqMA

Custe: 54€ socias / 59€ non socias

Ruta: 22 € socias / 27€ non socias

Comida: 32€

RUTA POR MESÍA: DOS MUIÑOS Á FRAGA.

A ruta de novembro lévanos ao concello de Mesia para pasear de muíño en muiño ata adentrarnos na fraga da Furoca. 

Trátase de unha ruta lineal e bastante chaira de aproximadamente 15 km. que atravesa zonas de pasto e cultivo achegándose de cada pouco á beira do río para desfrutar dos muíños rehabilitados do concello de Mesía. Remata adentrándose nunha fraga que incorpora un souto de castiñeiros modernos pouco antes de chegar a Vilasantar. Alí esperanos unha humilde capela barroca e un bon café. 

No camiño desfrutaremos da paisaxe en mosaico dunha dunha zona gadeira tradicional onde os regatos e os prados van deixando pequenos espazos delimitados de vexetación arborea. Os exemplos de muiños rehabilitados permiten entender mellor funcionamento do noso patrimonio industrial agrícola, recollendo a súa evolución dende a época romata ata o mesmo século XX.  

Aos dous tercios de camiño, tras varios quilometros de paseo tranquilo quen queira poderá dar por rematada a andaina e voltar no autobús ata Vilasantar. Os que decidamos continuar achegarémonos á Fraga da Furoca. Nela o rego de Conxo e o rio da Furoca abriron cañóns máis escarpados, máis incómodos de traballar, e permitiron a supervivencia do bosque autóctono no que recoñecer diversidade de árbores e cogumelos propios desta época. 

O bus recolleranos en Vilasantar, onde teremos espazo para repousar e retomar forzas antes de voltar á casa coa posta de sol. 

Para inscribirvos podedes encher este formulario de inscripción:

https://forms.gle/xRbFfJkdkShL8Y6j7

Tamén podedes contactar a Inés, a nosa guía, no 653 013 224 ou escribir a aminhapulga@gmail.com.

Custe: 15€ socias / 20 € non socias

Contacto: aminhapulga@gmail.com

Whatsapp: 653 013 224 

RECOMENDACIÓNS PARA VIR DE RUTA

    Moi posiblemente sexas unha persoa con sobrada experiencia facendo sendeirismo e montaña, pero se esta é a túa primeira vez nunha actividade deste estilo, aquí van algunhas dicas para que a túa xornada de camiñada sexa agradable:

1. O calzado de monte: Trae calzado adaptado para camiñada e monte. Botas ou zapatilla de montaña. Moi recomendable que sexa impermeable.

Que pedirlle ao teu zapato de monte? 

• Que leves o pe cómodo, que non che manque nin che roce. 
• Que a sola che protexa ben dos impactos do chan. 
• Que agarre ben ao firme, para evitar esbarar. 
• Que che permita airear o pe, especialmente con altas temperaturas. 
• Que non se encharque, porque mesmo sen chuvia, posiblemente teñas que cruzar pozas e regatos.

2. Roupa cómoda: Trae roupa cómoda e deportiva. É recomendable empregar sempre pantalón longo mesmo en verán (así evitamos pinchos e picadas).

3. Adapta o equipo ao tempo: Presta atención á previsión do tempo. Reforza o abrigo en caso de frio e neve e busca algo lixeiro se boura o sol. O “sistema cebola”, varias capas que podes por e quitar en función de como vas sentindo o corpo durante o avance da ruta, soe ser unha boa opción.

4. A muda: É moi confortable levar un segundo calzado e unha muda de camiseta (e pode que pantalón) para por ao rematar a ruta. Especialmente os dias de chuvia. Así chegarás ben comoda e quente a casa.

5. Protéxete do sol: Mesmo se chove, non esquenzas traer un gorro para protexer a cabeza e un bote de crema solar (e botala e rebotala, claro).

6. Impermeablilizate: Especialmente nos meses de chuvia, é importante vir con cazadora e pantalóns impermeables. Non precisas o último grito en roupa técnica. Pode ser algo para por enriba da túa roupa habitual, pero que che manteña pernas e corpo algo protexido da chuvia para poder rematar a marcha (e mudarte ao final).

7. Hidrátate: Recorda traer sempre 1litro ou 1 litro e medio de auga contigo. Cando camiñamos precisamos hidratar o corpo de cada pouco e non podemos contar con atopar fontes para abastecernos polo camiño (e se as hai, aprobeitamos para refrecar as provisións). 

8. Sae sempre con comida: As nosas rotas soen estár deseñadas para comer de bocata polo camiño desfrutando da natureza, pero mesmo cando son curtiñas, trae sempre algo que levar á boca (froitos secos, chocolate, froita). Sálvache ante unha baixa de enerxía no medio do camiño e tamén se nos demoramos máis do esperado por algúnha causa imprevista. 

ORTIGUEIRA A DOBRE ALTURA: DO CASTELO DO CASÓN Á ENSEADA DE MERA

    Como entendemos mellor a paisaxe? Vista desde o alto ou inmersas nela?

    O vindeiro día 26 de outubro os nosos pes suben ao norte. Achegámonos á ría de Ortigueira para contemplala dende a antiga atalaia do Castelo do Casón e de seguido pasearnos pola beiriña das súas augas na Enseada de Mera como se fosemos uns cormoráns máis. Unha ruta de 15 kilómetros que garda nos seus 5 primeiros a súa maior dificultade.

    Comezaremos á beira do río Mera para ascender serpenteando unha estribación da serra da Capelada uns tres kilómetros ata o mirador do Castelo do Casón. Este valuarte defensivo do século IX domina toda a ría de Ortigueira. Serviu á xente "urticariense" para controlar aos viquingos e a nós nos permitirá ter unha boa perspectiva do camiño que imos facer. 

    Baixaremos do castelo pasando pola fervenza do Pozo do Inferno, que serve de protección natural á fortificación medieval e chegaremos a Veiga. Aquí abandonaremos os esforzos e desfrutaremos dunha andaina tranquila por unha chaira á beiramar. O camiño discorre entre plantacións de maceiras sidreiras ata chegar á Enseada de Mera.

    Esta zona de humidal da desenvocadura do Mera foi pechada coa intención de empregala como criadeiro de marisco hai máis dun século (con pouco éxito, para desgraza da familia propietaria da concesión). Sen embargo, este proceso xerou unha zona protexida da intervención humana ideal para as aves, que a empregan como espazo de cria e descanso nas súas migracións. Outra estupenda ocasión para sacar os nosos prismáticos.

    A ruta remata voltando a Mera de Abaixo da que saímos desfrutando das súas casiñas, os seus prados e os pazos con historia. 

    Para vires con nós, podesdes cubrir este formulario de inscripción:

https://forms.gle/xkCsRpw6va14DPk16

Custe: 15€ socias / 20 € non socias

Contacto: aminhapulga@gmail.com

Whatsapp: 653 013 224 

DE LAGOA EN LAGOA POLO CONCELLO DE COSPEITO

    Como cambia a paisaxe cando recuperamos un humidal? Como se sinte un chan seco fronte a un mollado? 

    Na primeira ruta da tempada transitaremos este proceso.  Marchamos á Terra Cha para percorrer a ruta das Lagoas de Cospeito. Un camiño chairo e suave de 14 kilómetros atravesando un mosaico prados, montes e terras de labradío para despertar o corpo e polo a punto.  

    Comezaremos na igrexa de San Martiño de Lamas, ao sur do concello e achegarémonos entre camiños forestais e campos de millo ata a antiga Lagoa da Caballosa, hoxe desecada. A paisaxe muda a medida que continuamos cara Feira do Monte atravesando algunha pequena aldea a través de camiños algo máis serpenteantes. O cambio definitivo prodúcese ao cruzar a estrada provincial 111. Aquí cubrirannos  carballos, castiñeiros e ameneiros e de caserío en caserio adentraremonos en Feira do Monte. 

    Alí faremos parada para repor forzas nunha carballeira á beira do camiño. De seguido a andaina chegará ao Museo das Aves que serve de porta de entrada á Lagoa de Cospeito. Os últimos tres kilómetros serán os máis fermosos, rodeando a lagoa á sombra das bidueiras e dos salgueiros con opción á subir as torres de observación das aves que empregan o humidal como zona de cria ou de descanso nas súas rutas migratorias. Esta é a ocasión perfecta para desempolvar os vosos prismáticos e extasiarvos uns minutos mirando para elas.

    A lagoa é alimentada polo río Guisande (da cunca do Miño) que aquí atopa un terreo chairo e barrento, pouco permeable, no que se acumula a auga. Recuperouse nos anos 2000 tras un proceso de desecado que nos anos 70 a convertera en solo agricola, parecido ao que observaremos na lagoa da Carballosa. Dende entón a natureza estase rexenerando e a diversidade de aves, anfibios e plantas vai en aumento.

    Os paxaros acompañaranos xa dende o inicio con niños de cegoñas, miñatos, bandas de corvos e pegas. Se fai bo día, temén o fará o sol que boura forte por esta zona. Non vos esquezades de levar unha boa gorra, protector solar e litro e medio de auga para repor líquidos na marcha. 

    Se vos animades a acompañarvos, podedes cubrir este formulario de inscripción:

https://forms.gle/sCB8Qz2eb4uoKgq29

Custe: 15€ socias / 20€ non socias
Contacto: aminhapulga@gmail.com
Whatsapp: 653 013 224

PROGRAMACIÓN 2025 - 2026

    Deste setembro de 2005 a xuño do vindeiro 2026 voltamos por os pes en marcha. O último fin de semana de cada mes (coa execpión do Nadal) marchamos de ruta. Estas son as que temos programadas:

• 28 de setembro de 2025  - Rutas da Lagoas de Cospeito.
• 26 de outubro de 2025  - Camiño do Mar. De San Andrés de Teixido a Ponte Mera.
• 30 de novembro de 2025  - Ruta da fraga aos muiños de Mesía.
• 25 de xaneiro de 2026 – Ruta do Mar de Corme e Ribeira do Anllóns. (Previa a un bon Cocido.)
• 22 de febreiro de 2026  - Ruta do Alto das tres pedras en Olveiroa.
• 29 de marzo de 2026 – Subida ao Monte Muralla.
• 26 de abril de 2026   - Ruta de Pena Guimara na Fonsagrada.
• 30 e 31 de maio de 2026   - Fin de semana no Parque Natural de Montesinhos (Portugal).
• 28 de xuño de 2026   - Ruta polas Terras de Quiroga (e troitada).

    O custe é de 15 €/persoa para persoas sócias da Asociación de Veciños do Agra e 20 €/persoa para as non socias. Coa excepción da fin de semana en Tras-os-montes (Portugal). Para esta saída informaremos do programa e o prezo un tempo antes.

    Se vos queredes inscribir podedes facelo escribindo un correo a aminhapulga@gmail.com ou enchendo a ficha de inscripción que atoparedes en cada un dos artigos de descripción das rutas que se publicarán neste blog. Como é habitual, as prazas asignaranse por orde de inscripción.

    Animámosvos tamén a que vos unades á Asociación de Veciños da Agra que da acubillo a esta iniciativa dende hai tanto, especialmente se estades pensando en participar en varias andainas nesta tempada. Ten un coste de 20 € ao ano. Podedes informarvos escribindo ao correo agra@galizacultura.gal ou preguntando directamente a Inés, a guia das rutas.

Custe: 15€ socias / 20€ non socias

Contacto: aminhapulga@gmail.com

Whatsapp: 653 013 224

  

FIN DE TEMPORADA: POLAS TERRAS DE QUIROGA

 Rematamos a temporada degustanto as troitas e as anguías no Mesón de Luís en Roiros e para abrir o apetito nada mellor que unha rota polas terras de Quiroga.

Nesta ruta de sete quilómetros descenderemos dende a aldea de Leixazós ata Campos de Vila ao longo dun espectacular val. Pasaremos tamén baixo o monumental Pregamento Xeolóxico de Campodola.

Esta ruta de sendeirismo consta de dous tramos ben diferenciados. O primeiro tramo, partindo de Leixazós, percorre o val do río Ferreiriño, ofrecendo espectaculares vistas tanto do val como das formacións asociadas ao Pregamento Xeolóxico de Campodola-Leixazós.

O sendeiro avanza entre castiñeiros, carballos e vexetación autóctona. No segundo tramo da ruta cambiaremos de val para dirixirnos por pistas de terra entre piñeiros, en dirección a Campos de Vila. Trátase dun descenso cómodo ata o val do río Quiroga. O entorno desta ruta consta dun gran atractivo visual, do que desfrutaremos ao longo de todo o percorrido.

Logo a partir das 15,30 esperanos Luís en Roirós para ofrecernos os seus entrantes e as troitas e as anguías que non faltaran.

Pendentes de que me diga o prezo, supoño que andará arredor dos 45 euros por persoa co autobús.

 Domingo 29 de abril, Saída ás 9.

Os camiños da Agra

POLA COMARCA DE LALÍN : ROTA DO CASTRO DE DOADE / CASA DO PATRÓN

 

Comeza no museo etnográfico Casa do Patrón, no lugar de Codesedo, discorrendo o seu trazado a ambas as marxes do río Asneiro e o seu afluente Lebozán.

Desde Codesedo, a senda desvíase ata o xacemento prehistórico de Castro de Doade. Durante o resto do itinerario, o camiño transcorre descubrindo constantemente o rico patrimonio desta zona principalmente agraria. Así, atoparemos camiños medievais, pontes, pontellas e muíños. Entre estes últimos, destaca o muíño de Froiz pola súa factura e coidado contorna. Tamén é de resaltar a igrexa románica de San Xoán de Vilanova.

Os seus bosques de ribeira achegan frescura e goce xunto ao río Asneiro. Destacan sobre o resto da foresta os enormes castiñeiros e carballos, sendo o carballo de Soutolongo unha árbore catalogada por posuír a copa máis grande de Galicia.

ALMORZAREMOSMOS NA CASA DO PATRÓN(4 EUROS POR PERSOA).CANDO REMATE A ROTA TAMÉN TOMAREMOS AS CERVEXAS NA CASA DO PATRÓN( CADA UN PAGARÁ A SÚA CONSUMICIÓN).

 QUEN NON O COÑEZA PODE VISITAR O MUSEO ETNOGRÁFICO.

DOMINGO 25 DE MAIO; SAÍDA ÁS 9

oscaminhosdaagra.bplogspot.com

POLO COUREL: CASTRO DA TORRE / FERVENZA DO REXIU

 O domingo ,27 de abril, os camiños lévannos cara ao Courel que xa tiñamos ganas de ver de novo.

Dado que para o noso grupo a rota prevista era difícil e longa(19 quilómetros), partímola e facémola ao revés para que sexa máis doada.

Empezamos a camiñar no Castro da Torre  e logo de contemplar as inmellorables vistas, baixaremos cara a Sobredo e o río Lor.

Camiñando por debaixo de Folgoso  imos cara a Baldomir, atravesando o Lor pola ponte de Sudrios e pasando polos lugares de Pendella e Touzón, chegamos a Baldomir. A rota remata un pouco máis adiante , na fervenza do Rexiu.

DOMINGO 27,ABRIL.SAÍDA ÁS 9

OS CAMIÑOS DA AGRA

672313183

A FERVENZA DO REXEDOIRO(VAL DO DUBRA)

 

A FERVENZA DO REXEDOIRO

Senda circular que comeza e termina no Campo da Feira de Bembibre. Desde este punto, o camiño transcorre pola marxe dereita do río Dubra ata Insua de Santa Mariña de San Román, desde onde volve ao comezo. No seu percorrido, desvíase ata ao leito do Rego do  Portonabo, afluente do Dubra, que forma unha fervenza en dous tramos, sumando uns 10 metros de desnivel.

O percorrido alterna camiños e sendas de pescadores, así como terras agrícolas de cultivos e praderías con zonas forestais. Entre estas últimas, o itinerario transita por zonas de repoboación e outras autóctonas con acivros, sobreiras, loureiros, carballos e castiñeiros.

A uns dous quilómetros do inicio, a capela de San Xoán Bautista sorprende polo seu illamento, xa que está situada nun lugar inhabitado dentro dos montes da parroquia de San Martiño Coucieiro. Construída no século XVII, suponse que se asenta sobre un primitivo templo medieval. Outrora abandonada e en ruínas, foi restaurada no primeiro decenio do século XXI para recuperar as concorridas romarías á súa ao redor. Na súa proximidade atópase a fonte de Augas Virxes, considerada de augas milagreiras.

Os camiños da Agra

domingo 30 de marzo, saída ás 9

ROTA DO MIRADOURO DA TERRA CHA

 UN sendeiro lineal en forma de “C” cuxo inicio e final están unidos por un camiño, fóra da ruta homologada, que permite regresar ao inicio.

O comezo sitúase na carballeira do Lugar da Feira onde antigamente se celebraba unha feira tradicional. A ruta sae da aldea a través de camiños cercados polos muros de casas solarengas que son testemuña do esplendor que tivo esta zona no pasado: a Casa da Barreira e la Casa da Veiga, magníficas mostras da arquitectura tradicional da pequena fidalguía agraria.

Antes de comezar o ascenso poderemos tomar alento na Área recreativa de Penas de Rodas, nesta singular formación rochosa hai que achegarse ás dúas xigantescas rochas graníticas que parecen querer rodar pola pendente.

De camiño cara ao monte da Cruz de Paraños pasaremos polas estivadas que o circundan (terreos de monte de propiedade comunal que eran queimados e logo sementadas con cereal).

Ao chegar á cima (613 m) teremos unha panorámica completa da planicie da comarca da Terra Chá. O suave descenso achegaranos de novo ás aldeas onde os casaríos illados con poderosas chemineas e rodeadas de amplos terreos amenizarannos o último tramo do camiño.

DOMINGO 23 , FEBREIRO, SAÍDA ÁS 9

oscaminhosdaagra@blospot.com

BENVIDO 2025: ROTA DO DUBIO + COCIDO

 Como sempre para empezar o ano e liberarse das comidas do Nadal, temos a rota do cocido. Este ano tócalle á contorna de Baralla: acompañando o río Dubio e o Neira, camiñaremos entre prados e carballeiras facendo unha bonita rota circular de moi recente creación e moi ben sinalizada para que ninguén se perda.

Para  recuperar forzas teremos o cocido de todos os anos, este no restaurante Prados en Veiga de Anzós.

AUTOBÚS(15/18) + COCIDO(32)

SOCIOS, 47 EUROS.

NON SOCIOS 50.

A XENTE QUE ESTÁ ANOTA NON PRECISA CONFIMALO DE NOVO.

BON ANO 2025!!