POLO SAN MARTIÑO:PONTEVEDRA-BARRO

Novembro. Muíños da Barosa- encoro do Pontillón do Castro(Barro) Este sendeiro localízase no enclave coñecido como «Parque da Natureza do Río Barosa», parada fundamental do Camiño Portugués cara a Compostela ao seu paso polo termo municipal de Barro. Este parque posúe unha excepcional topografía pola que discorre o río Barosa en forma de cadoiro creando a Fervenza da Barosa, que alcanza trinta metros de desnivel. Xunta esta fervenza construíronse dezasete muíños, que se dividen entre os Muíños de Abaixo e Muíños de Arriba e que forman un complexo hidráulico de grande interese O primeiro tramo do sendeiro discorre entre os Muíños de Abaixo ata a ponte de San Breixo, onde se pode abandonar a ruta principal e visitar a igrexa do mesmo nome do S. XVII, dende a que se obtén unha boa panorámica do val. Seguindo o PR-G 105, atopamos máis muíños, algúns en bo estado de conservación. No segundo tramo hai unha área recreativa cunha taberna típica dende onde parte un sendeiro circular que cruza a ponte da Búa e retorna pola marxe dereita do río ata a ponte de San Breixo, onde está marcado o final da ruta. Encoro do Pontillon do Castro Verducido

Ocupa un terreo montañoso, accidentado polos outeiros das Pasadellas, das Pedreiras e do Campo de Bois e no que destaca o monte Acival, que supera os 600 metros de altitude. Conta con paisaxes naturais que nos levan á evasión como as que se poden contemplar nos arredores do encoro de Pontillón de Castro, reserva de auga da cidade de Pontevedra e refuxio de aves que conta na súa proximidade cunha gran zona de lecer. No cumio dun monte próximo sitúase un fermoso miradoiro cunha admirábel escultura en pedra dedicada aos canteiros. Desde aquí, ademais dunha canteira de granito moi próxima, pódese divisar a beleza do contorno, da cidade de Pontevedra. PRÓXIMA ROTA:SANTO ESTEVO DE RIBAS DO MIÑO-SAN MARTIÑO DA COVA. GASTRONÓMICA(29 XANEIRO) BOAS FESTAS!!

ENCORO DE PONTILLÓN DO CASTRO -MUIÑOS DA BAROSA.

Logo dun paseo pola historia e cultura de Portugal, que a veces tamén é a nosa,con esa viaxe ao corazón luso polas terras de Leiria e Coimbra

Buçaco

Coimbra

Convento do Cristo

Grutas da Moeda

 toca un relax paisaxistico polas terras de Pontevedra e Barro.Partindo do encoro do Portillón, centrode deportes nautícos camiñaremos cara ao concello de Barro para dirixirnos á Barosa,lugar pardisíaco coa súa fervenzas e os seus muíños.Serán 14 quilómetros de dificultade baixo e dunha agradábel paisaxe.

                    

Adeus a un camiñante.

Hoxe os camiños están tristes e non se escoitan os pasos dos camiñantes.Marchounos un amigo,pareceulle que os camiños desta banda non eran dabondo e vai  na percura doutros na banda do Máis Alá.
Adeus,Óscar, que os novos cumes che se xan favorábeis.Un abrazo moi forte para Puri e a túa familia.
Nós seguiremos abrindo camiños á túa honra e coa túa lembranza.

Os Camiños da Agra.

Empezamos a camiñar arredor de nós.

Penaboa

Querid@s camiñantes por orde do noso ben amado Presidente vémonos  na obriga de retrasar o comezo das andainas para o 2 de outubro.

Agárdanos o corazón do Courel,unha travesía entre o alto do Couto e Ferreirós de Abaixo,atravesando a devesa da Rogueira e vixiados polo Pía Paxaro e o Fedo.

Domingo 2 de outubro,saía ás 9.

desde a campa de Lucenza

Formigueios

Bon verán e mellores camiños!!

Estamos a preparar  a rota a Portugal (29,30,31 outubro), nos proximos días recibiredes información sobre a programación da viaxe e o prezo.
Mentres deixovos unhas fotos da senda doscanteiros e de Ubiña,bon verán e até setembro no Courel !!

PÓNDOLLE O RAMO

Remata a temporada.Máis unha vez os camiños da agra levaronnos por todo o país e parte do estranxeiro.

De autobús ou camiñando percorremos arredor da Ribeira Sacra a serra do Caurel, as terras de Doade e do Amandi,os pregamentos de Campodola,fomos á feira do viño de Vilachá de Salvadur e aínda nos quedou tempo para comer un cocido,ver o río Seixo en Cerdedo e a terra dos peliqueiros,Verín e Vilardevós,onde ficamos impresionados coa fervenza da Cidadella.

Esta fin de semana pómoslle o ramo.Polas terras do Bierzo faremos a senda dos Canteiros(irían dende o Porriño)e logo, en Babia,subiremos cara á pena Ubiña e gozaremos dos vales que se abren aos seus pés.

Todo un ano percorrendo camiños.Dez saídas,unha media de 40 persoas por saída e os motoristas de viaxes Oróns que nos meteron polos recantos máis impensábeis.Bon verán para tod@s  @s que non vides  aa esta última rota  e o resto,vémonos o sábado.

OS CAMIÑOS DA AGRA.

A temporada 16/17 está as porta:http://oscaminhosdaagra.blogspot.com.es/2016/06/normal-0-21-false-false-false-es-x-none.html

Novos camiños arredor de nós

OS CAMIÑOS DA AGRA.

Camiñando arredor de nós

(2016-2017)

 

Caurel:Alto do Couto- Ferreirós de

abaixo.

Portugal Monumental.

Portillón-Muíños de A Barosa.

Santo Estevo de ribas do Miño/ A Cova(Gastronómica)

Rota da escrita e do Azúmara.

Vilar de Mouros-Augas Mestas.

 Camiño de inverno.A Rúa-Quiroga

Fin de Semana en Ourense(San pedro de Rocas/Stª Cristina).

Anguías e troitas en Portomarín.

oscaminhosdaagra@blogspot.com

aminhavaca@gmail.com

Samuel 672313183

FIN DE SEMANA EN BABIA

Coa conciencia tranquila ,a satisfación do deber cumprido e deixando os nosos votos nas mans de non se sabe quen,(esperemos que lle dean mellor uso que a última vez); preparamos as nosa botas e diriximos os pasos cara a Babia, onde se perdía Alfonso XII ou XIII,non sei moi ben.Aí vos vai a proposta:

 SÁBADO,DÍA 2 ROTA DOS CANTEIROS: Ponferrada-San Miguel de Dueñas
                                                                         

DOMINGO,DÍA 3: Arredores de Ubiña

A RUTA:

A ruta comeza no barrio da Vega da localidade de Torrebarrio; discorre pola rúas do pobo en dirección á igrexa, aínda que pouco antes, desvíase para tomar unha pista de novo trazado que ascende en dirección a Ubiña. Logo duns dous quilómetros de pronunciado ascenso, a ruta abandona a pista e cambia de dirección para dirixirse ao Collado do Ronzón. Este tramo, coincide coa ruta clásica de ascenso a Pena Ubiña polo que existe unha vereda máis ou menos definida  marcada con fitos,moreas de pedra, que permite seguila fácilmente. Desde o Ronzón, punto máis alto da rota, contémplase unha das vistas máis impresionantes de Babia. A partir deste punto, comeza un suave descenso por unha zona de pasteiros, chamada a Veiga de Riotuerto, na que non existen camiños nin veredas, pero que está dabondo sinalizada. A veiga termina nun pequeno estreitamento atravesado polo regato do Val de Riotuerto e ao final do mesmo, chégase á Veiga de Candioches. Aquí, a rota contacta co camiño que vén desde a Casa Mieres, situada no Porto da Cubilla, desde onde se continúa descendendo por unha pista que discorre polo fondo do val de Alcantarilla ata chegar Pinos, final da ruta.

SAÍDA,SÁBADO 3, ÁS 9.  ///////  PREZO:SOCI@S 75 EUROS/ NON SOCI@S 80

No corazón de Pontevedra: o río Seixo

OS MUIÑOS DO RÍO SEIXO (CERDEDO)

 

29 DE MAIO

   Trátase dunha das rutas fluviais máis belas de Pontevedra e de toda Galicia, que percorre un dos tramos máis fermosos do río Seixo, no municipio de Cerdedo, e que conta cun gran número de atractivos naturais, históricos e etnográficos que configuran un percorrido inesquecíbel para o senderista. Nunha primeira parte desta ruta camiñaremos entre fermosos bosques autóctonos, fundamentalmente carballos centenarios, nunha zona moi tranquila que invita á contemplación e a relaxación, acompañados do son do auga que corre polo río Seixo. Ademais dos bosques, este itinerario é unha auténtica xoia etnográfica e cultural, podendo contemplar un gran número de elementos variados vinculados ao auga, entre os que se atopan máis de 15 antigos moiños tradicionais, antigas pontellas (pontes tradicionais) e levadas (antigas canles de auga). Nun ámbito histórico, percorreremos os restos da antiga calzada romana que atravesaba Cerdedo, a súa ponte romana, e diversas igrexas e capelas de gran valor artístico (igrexa de San Xoán Bautista (s. XVIII) e capelas da nosa Señora de Loreto s. XVIII, San Salvador s. XVI, Santa Catalina s.XVIII e San Antón s. XVIII). Para rematar, accederemos á fervenza do río Seixo, nun bonito lugar e contemplaremos belas paisaxes de todo o val. Distancia:15 km Duración:5 horas Dificultade: Media

ENTRE O PATEO E O VIÑO

Esta fin de semana encamiñamos os nosos pasos cara a Quiroga para percorrer os pregamentos de Campodola seguindo a ribeira do Ferreiriño.Preciosa rota, co naríz cheo de primavera,dirixímonos  cara ao val de Quiroga deixando as nosas costas o Alto do Boi e o Pía Paxaro.Cando deixamos o rio o val esténdense aos nosos ollos,seguimos pola cresta,bordeando as viñas e coas primeiras casas chega a hora do bocata.Quiroga está perto,a xente ten presa e come rápido, queremos ir a feira do viño de Vilachá e hai medo de que, se nos retrasamos, non haxa viño.

Non houbo problema o viño e os gaiteiros agardaron por nós

Polas terras de Quiroga

Os ríos Ferreiriño e Quiroga abren camiños que nos achegan aos pregamentos de Campodola, á ferreiría da Rodela e a unhas paisaxes atravesadas por soutos, oliveiras e viñedos onde empezan a agromar as cores da primavera
 Entre viñas e piñeiros chegaremos a Barxa coa súa capela de Santa Apolonia e logo cara á casa da Veiguiña,(na que viviu Anxel Fole) para dirixirnos a Rodela, unha das grandes ferreirias da zona,pertencente á Encomenda de Quiroga.

Pola tarde Vilachá de Salvadur  agárdanos,é o primeiro domingo de maio e están na súa feira do viño.Aínda que cheguemos algo tarde é unha boa oportunidade para coñecer as súas adegas.
                                                     

PREPARANDO O ROTEIRO DE A BROA ( A MERCA)

Este mércores santo encamiñamos os nosos pasos cara ao concello de A Merca para preparar a próxima  camiñada do 3 de abril.
Aberta pola asociación A Broa,(grazas polo traballo), saímos da Parroeira  epercorremos vellos camiños entre carballeiras,soutos,a capela do Carme ou os horreos de Olás.Logo enlazamos con parte da "verea vella" que seica usaban os zapateiros de Vilanova para volta á Parroeira.
Os voluntarios traballando na rota.

 

OCAMIÑO DE SAN ROSENDO E TERRAS DE ARRIBA

Certamente  a fin de semana non presentaba bon aspecto,as mulleres e os homes do tempo anunciaban mal tempo pero as nosas hostes son aguerridas e non lle teñen medo ao temporal.Como sempre n on madrugamos moito e daban as 9,30 cando collemos a estrada e non tardo en parecer a neve: o día prometía.

Quen dixo medo.As cámaras de fotos e móbiles empezaron a funcionar e, logo dun cafe, continuamos  cara a Celanova para coller un trecho do Camiño de San Rosendo e visitar a vila de Curros,Celso Emilio e o Forno de Lito;sen esquecernos do mosteiro que é unha marabilla.
A neve, que parecía que nos deixara,chegou de novo e con máis forza, xa non nos deixaría en todo o camiño,convertindo unha rota agradábel pero sen máis pretensións, nunha camiñada especial.

 O moneco  impasíbel

Ía frío MªPepa

Un café en Celanova  e para Albarellos,  repor forzas no Hotel Gallego e ao día seguinte coller cara ás Terras de arriba, concello de Vilardevós, seguindo os camiños dos vellos contrabandistas.Non buscábamos sal nen café, andabamos á percura da fervenza da Cidadella agochada na Raia e abrindo o paso  a Portugal.