A ROTA DO COCIDO E DO ANO NOVO:Polo val do Barcia

ROTEIRO MARIÑÁN COSTA DA ÉGOA

Polo val do Barcia

Bon Nadal !!

La collada de Isornu

Parque natural de Redes

Boas festas e que  o 2019 nos traia a alegría dos novos camiños.

Os camiños da Agra.

Camiñando entre bateas.

Seguindo o noso percorrido pola Senda litoral de Arousa-Norte o mes de novembro lévanos ao concello de Póboa do Caramiñal. Mais o noso camiño empeza antes, na vila de Palmeira visitando o porto e o mirador do Castelo con espléndidas vistas sobre a ría que xa non nos deixaran en toda a camiñada.

Un agradábel paseo sen apenas dificultade e que nos levará bordeando a costa e de praia en praia até o concello de Boiro, no Escarabote.Bateas,praias, pobos mariñeiros e a música do mar de Arousa acompañarán os nosos pasos.

DOMINGO 25, SETEMBRO, SAÍDA ÁS 9.

POLA SENDA DE AROUSA NORTE

SENDA LITORAL AROUSA NORTE POR 

RIVEIRA

A senda percorre 37,5 km do Concello de Riveira. O punto de partida sitúase na

Capela do Carme en Espiñeirido para dirixirse cara ao Faro de Corrubedo.

Volteando o Faro alcánzase o perímetro do Parque Natural do Complexo Dunar de Corrubedo e Lagoas de Carregal e Vixán. Neste tramo atópase o punto máis alto con 174 m sobre o nivel do mar no Mirador da Pedra da Rá dende o que se baixa cara a Aguiño.
Como nós non imos facer toda a rota estes son os puntos fundamentais do noso percorrido: saíremos do mirador da Pedra da Rá, logo de visitar o castro da Cidá e gozar das marabillosas vistas do Barbanza e do parque natural de Corrubedo.O noso camiño vai cara a este parque natural de Corrubedo bordeando as marismas, a lagoa do Carregal e as dunas para dirixírmonos á área recreativa do Espiñeiredo onde xantaremos.

Pola tarde agárdanos un paseo pola costa, do porto de Corrubedo até a praia de Balieiro, pasando pola praia da Ribeira do Prado e o faro de Corrubedo.Despois de 18 quilómetros camiñando e aínda que o percorrido é moi doado merecémonos unha caña, que aproveite!!

Monte Pindo

NUNCA PASA NADA

http://praza.gal/movementos-sociais/17462/cinco-anos-despois-da-catastrofe-do-monte-pindo-o-espazo-esta-lonxe-de-recuperarse/

Serra da freita.

A serra da Freita é un dos poucos lugares que coñezo onde as pedra paren. Percorrendo o  monte podemos achar os fillos recén nados ou os ventre onde se criaron. Mais non é so iso, tambén temos cascatas de sesenta metros, pedras  boroas ou portelas  que abrían paso a novo mundos.

Pedra boroa

 Pedtras parideiras

FIN DE SEMANA EN AROUCA (PORTUGAL)

Feito e co atrativo engadido de poder visitar a maior ponte colgante do mundo( 508 metros) o 25 de outubro marchamos a Portugal ( Arouca).

Cascata da Frecha da Mizarela

Venres 26, chegada a Arouca, instalación e cea.

Sábado 27, Serra da Freita: precurso de São Pedro Velho, cascata da Mizarela e Casa das pedras parideiras.

Domingo 28, Passadiços do Paiva e para casa... hai que traballar !

PREZOS: SOCIOS 155 / NON SOCIOS 165 ( TODO INCLUÍDO)

Facilitarase un número de conta para que se ingrese  a cantidade de 80 euros, como reserva de  praza, do 15 de setembro ao 15 de outubro

Passadiços do Paiva

Temos moitas dificultades coas habitacións individuais,non hai e  as que nos ofrecen terían un suplemento de 50 euros por noite.Temos habitacións dobres e algunhas triples.

BOAS VACACIÓNS E VÉMONOS O 24 DE SETEMBRO:

"ESPIÑEIREDO- PORTO DE AGUIÑO"

ENTRE A TERRA E O MAR 2018/2019

OS CAMIÑOS DA AGRA

Entre a terra e o mar

2018/2019

SETEMBRO:Espiñeirido/porto de Aguiño(Riveira).

OUTUBRO:Posibilidade Arouca/Portugal: pasadiços do Paiva.

Rota das pedras parideiras (serra do Aire).

NOVEMBRO:Cabo da Cruz/Castro Neixón(Boiro).

XANEIRO: Rota do río Barcés e arredores.Lacón con grelos 

na Xira/casa Xermán.

FEBREIRO: Do Beluso ao Ulla ( Rianxo).

MARZO: As pontes do Lérez.(Forcarei).

ABRIL: O camiño de Inverno por Rubiás(serra da Lastra).

MAIO: Fin de semana en Redes (Asturias).

XUÑO: O Courel. Troitas no Lor.

aminhavaca@gmail.com Tlf:672313183 oscaminhosdaagra.blogspot.com

SOMIEDO: 26 e 27 de maio.DE VAL EN VAL(LA PERAL VILAR DE VILDAS)

                             

De val en val. Desde o val de Somiedo até o val do Pigüeña. A rota comeza en La Peral, unha aldea vaqueira, onde entre prados e teitos empezamos os cinco quilómetros de subida que nos levarán até a fonte de Los Borrones, lugar onde comeremos e recuperaremos forzas para o descenso a Vilar de Vildas.

Na subida de La Peral iremos ben escoltados, por unha banda o Cornón e pola outra o pico Moscosu guiarán os nosos pasos e farán imposíbel  que nos perdamos.

    Descansd@s e comid@s  empezaremos o descenso do val do Pigüeña iremos cara á braña de Los Cuartos e sobre todo, La Pornacal que con 32 teitos é unha das máis impresionantes de Somiedo. 

Desde aquí , unha pista vaqueira lévanos a Vilar de Vildas onde nos espera a cervexa e o autobús.

O domingo 27 será máis doado, trasladarémosnos ao Val do oso, o autobús conducirános por unhas paisaxes marabillosas aos concellos de Teverga e Quirós, onde gozaremos con ese tesouro escondido que é o desfiladeiro das Xanas. Para rematar unha fin de semana extraordinaria, nada mellor ca unha comida asturiana en Casa Generosa de Pedroveya. HAI QUE REPOR AS CALORIAS PERDIDAS.   

ENTRAMOS NA PRIMAVERA.

Entramos  na primavera e, aínda que nos cumes a neve é raíña,as/os "camiñantes da agra" andamos a pórlle o ramo a unha nova temporada. Quedan tres rotas  e as tres teñen no seu cerne unhas paisaxes marabillosas e algunha que outra sorpresa.
DOMINGO,29 ABRIL.(saída ás 9)

O camiño de inverno 2ª etapa ( Puente Domingo Flórez- OBarco), 16 quilómetros moi doados de facer e cunhas paisaxes insuperábeis presididas polo Sil e as serras de Trevinca e  A Lastra.
Socios 13 euros/ non socios 15.

SÁBADO 26 E DOMINGO 27 DE MAIO
Atención saída ás 8 horas do sábado 26

SOMIEDO : LA PERAL VILAR DE VILDAS; 13 QUILÓMETROS(dificultade media)
Cea,habitación e almorzo en CASA MIÑO (Somiedo).
Braña da Pornacal
 DOMINGO,27,QUIRÓS.

 DESFILADEIRO DAS XANAS E COMIDA EN CASA GENEROSA DE PEDROVEYA
 

PREZOS:85 EUROS SOCIOS/90 NON SOCIOS.
 NON INCLÚE A COMIDA DO DOMINGO(ARREDOR DE 20 EUROS)

ÚLTIMA FIN DE SEMANA DE XUÑO.(DESPEDIDA)

VEREMOS O QUE NOS TEN PREPARADO MANOLO POLA ARZUA.SEMPRE CON COMIDA INCORPORADA.

O camiño de Inverno

Aínda que o inverno xa vai marchando, os camiñantes da Agra empezan agora a facer o seu camiño e no domingo 25 de marzo faremos a súa primeira etapa.Hai que ter en conta que" imos vellos", como di o lema das rotas deste ano, e cortámola  un pouquiño e, como Ponferrada xa a temos visto, empezaremos no Priorato do Bierzo para dirixirnos cara ás Medulas e  chegar a Ponte Domingo Flórez

O OLIMPO DOS CELTAS

O PINDO

O pasado sen teito está nese lugar.

O temor non desterrado ó descoñecido.

Procuramo-la bóveda nun frío mencer

ou nun entardecer sanguiñolento,

ata ser soamente sombras.

O FIEIRO- A MOA- COVA DA XOANA- PEÑAFIEL- O FIEIRO

10 quilómetros.Dificultade media, 3/4 horas

O próximo domingo 25 de febreiro visitaremos o Olimpo dos celtas: o Pindo. Escollemos para esta ocasión a rota máis doada que nos leva , nun percorrido circular, polo Fieiro – A Moa – Cova da Xoana – Peñafiel- Fieiro.

Neste percorrido de case 10 quilómetros e de dificultade media os máis arriscados poderán visitar a Cova da Xoana (refuxio de fuxidos e guerrilleiros) ou subir ao Peñafiel co seu cume piramidal.

Serán entre e catro horas de camiño no medio dunha paisaxe irrepetíbel que anda a coller folgos despois dos últimos incendios .desde A Moa e protexidos polo “Guerreiro” podemos ver Fisterra, a ría de Corcubión ou as Lobeiras.

Domingo 25 de febreiro. Saída ás 9.