OUTONO NAS TERRAS TE TRIVES

O mellor outuno da Galiza.Ascendemos cara a Caldelas e Trives entre os viñedos heroicos das terras do Amandi e logo abrímonos paso entre as carballeiras, as pequenas fervenzas, miradores e soutos que nos ofrecen as súas cores máis prezadas. 

 FIN DE SEMANA EN MANZANEDA

 SÁBADO,28 E DOMINGO,29. 

SÁBADO, 29: CIRCULAR DE SAN XOAN DE RÍO: fervenzas,miradores, carballeiras… 

DOMINGO 29: OS SOUTOS DE CESURIS: Trevinca ao lonxe e cores do outono no seu esplendor. SOCIOS. 90 EUROS/ NON SOCIOS 95. 

HAI QUE LEVAR BOCATA PARA O SÁBADO 

SAÍDA ÁS 9.

20 ANOS CAMIÑANDO...

CAMIÑANDO 2023/ 2024

ultimo domingo do mes

1- SETEMBRO: RUTA DO MAR DE CORME DE RIBEIRA DO ANLLÓNS, PONTECESO.

2-OUTUBRO: OUTONO EN MANZANEDA. Fin de semana.

• Circular de San Xoan de Río.

• Os soutos de Cesurís.

3- NOVEMBRO: O REGO DOS CORUXOS. MURAS.

4- XANEIRO: O LAGO DAS PONTES.

• Cocido en Muras.

5- FEBREIRO. RUTA DAS ALMIÑAS E DO FOXO DO LOBO.

6- MARZO.ROTA DA FRAGA DO BARRAGÁN.

7-ABRIL: PORTUGAL. FIN DE SEMANA.

8-MAIO: RUTA DO VAL DE QUIROGA

9-RUTA NATURAL DOS CASTROS A NIVIERA. RUBIÁ.

• Troitas no Lor.

FIN DE SEMANA EN MANZANEDA

FIN DE SEMANA EN MANZANEDA Sábado,29. Rota da Fraga. San Xoan de Río. Unha ruta que percorre fragas frondosas polas abas do canón do Navea en territorio de San Xoán de Río. Podemos gozar da biodiversidade das fragas atlánticas, da contemplación de castiñeiros monumentais e pequenas fervenzas nos regos que caen ao Navea. Pódese facer en calquera época do ano pero é recomendable especialmente no outono onde as cores do bosque se amosan en todo o seu esplendor. COMO CHEGAR: desde a estrada Ourense Pobra de Trives cóllese o cruce a San Xoán de Río por Mouruás e no centro da aldea déixase o coche nun lugar cun panel indicativo onde comeza a ruta.

Domingo, 30 Rota do val glaciar de Prada. Principia cabo da igrexa parroquial de San Miguel de Bidueira, unha xoia da arquitectura barroca do S. XVIII coñecida popularmente como a «Catedral das Terras de Manzaneda». Seguindo o río Requeixo chégase á aldea abandonada de Prada, que conserva parte da Capela de San Bartolomeu, así como varias das súas tradicionais casas de alta montaña, que na actualidade son utilizadas como refuxio invernal para o gando. Ademais, pódese contemplar unha excelente panorámica sobre o Circo Glaciar de Prada, que data de entre 50.000 e 10.000 anos atrás e que someteu estas montañas da Serra de Queixa e O Invernadeiro a un proceso de abrasión glaciar. Dende Prada, pasando polo Pontón, A Biduela e O Salgueiro, a través de camiños de alta montaña e pequenas congostras, regrésase á aldea de San Miguel de Bidueira. Á altura de Requeixo, existe a posibilidade de coller unha derivación da ruta principal e visitar a aldea de Placín.

Luns,1 Rota do soutos de Cesuris Entre castiñeiros centenarios, esta ruta intérnase no Macizo Central para percorrer un dos recantos máis descoñecidos dentro do municipio de Manzaneda. Un lugar onde, malia o despoboamento, aínda se manteñen vivas actividades tradicionais coma o pastoreo,a agricultura e arecollida da castaña. Tras cruzar San Miguel de Bidueira e deixar atrás a igrexa parroquial do mesmo nome atópase o cartel de inicio desta ruta. Dende aquí, coa panorámica do glaciar de Prada ás nosas costas, dirixímonos cara á aldea de Trabazos, que esconde a capela de Santo Antonio, ata alcanzar Cubeiros. Dende Borruga, atravesando o Souto de Tonxil e Placín, chégase ao final desta ruta nas aforas de San Miguel de Bidueira.

SAÍDA, SÁBADO 29 ABRIL; VOLTA, LUNS 1 DE MAIO. PREZO(TODO INCLUÍDO MENOS O BOCATA DO SÁBADO). SOCIOS:138 EUROS NON SOCIOS: 145. oscaminhosdaagra.blogspot.com

ALGUNHAS MODIFICACIÓNS.

LEMBRANDO O PASADO E MIRANDO O FUTURO

VELLOS E NOVOS CAMIÑOS PARA UNHA NOVA TEMPORADA

MODIFICADO (Rutas de abril e maio)

XANEIR0: Rego das Coruxas. Concello de MURAS (COCIDO)

FEBREIRO: Rota do Castro, PR-G 196. A ESTRADA.

MARZO: Margallón- Río Sor- Margallón. O VICEDO.

ABRIL: 29 e 30 de abril, 1 de maio: fin de semana MANZANEDA

• Rota dos sequeiros. Trives.Sábado,29.

• Val glaciar de Prada. Manzaneda.Domingo,30

• Souto de Cesuris.Manzaneda.Luns, 1 de maio.

MAIO: Ruta do Río Trimaz, Xermade

XUÑO: Troitas e anguías no Mesón da Cova. O Saviñao.

Santo Estebo de ribas do Miño – Abadía da Cova

26 FEBREIRO PARA COMPESARMOS OS COCIDOS, ROTA DE CASTRO( A ESTRADA)

 ROTA DE CASTO, CONCELLO DE A ESTRADA

Os meses de xaneiro e febreiro son moi duros. Hami moitos compromisos e todos teñen un deminador común: o cocido. Este prato excelente pero baixo en calorías  acompáñanos, un día sí e outro tamén  ao longo desta temporada invernal e, por iso, cómpre ao rematar febreiro e albiscar a primavera, darnos un respiro. 

Desde  Os camiños da Agra propoñémosvos esta pequena rota que vos pode server de 

auto-auxuda para a vosa  preparación da operación bañador.

O PR-G 196 é unha ruta circular de 10,80 km (máis unha derivación de 550 m) que

 percorre a parroquia de San Miguel de Castro, dominada polo xacemento arqueolóxico

 do Coto e bañada polo río Ulla.

No inicio é de salientar a capela de Nosa Señora das Angustias, fundada en 1707 na

 Albergaría e trasladada en 1880 ao Seixo, así como o antigo Camiño Real polo que

 transcorre a Vía da Prata cara a Santiago de Compostela. Ademais, destacan a igrexa

 de san Miguel, o miradoiro do castro, a hórrea de Prado e varias casas tradicionais, as

 pontes do tren de Gundián e a vexetación de ribeira do río Ulla.

DOMINGO,26 DE FEBREIRO. SAÍDA ÁS 9.

1ª ROTA DO ANO: ANDANDO E COMENDO EN MURAS. DOMINGO 29 XANEIRO. SAÍDA ÁS 9

 O REGO DOS CORUXOS

Ruta de recente creación que percorre a base da Serra do Xistral, saíndo do centro da vila de Viveiró no Concello de Muras. Ruta doada e bonita, moi bonita, sobre todo o tramo que comeza na Ponte dos Coruxos e discorre por unha carballeira paralela ao Rego dos Coruxos.

O percorrido non supón ningunha dificultade técnica, salvo un par de chanzos de pedra sobre o río.

COCIDO EN RESTAURANTE  O SANTI: MURAS

SOPA

EMPANADA

COCIDO

SOBREMESA

VIÑO,AUGAS, CAFE DE POTA.CHUPITO

AUTOBUS+COCIDO: SOCIOS,43. NON SOCIOS,45.

BON NADAL !!

BON NADAL E FELICES CAMIÑOS PARA O 2023

OS CAMIÑOS DA AGRA