1ª ROTA DO ANO: ANDANDO E COMENDO EN MURAS. DOMINGO 29 XANEIRO. SAÍDA ÁS 9

 O REGO DOS CORUXOS

Ruta de recente creación que percorre a base da Serra do Xistral, saíndo do centro da vila de Viveiró no Concello de Muras. Ruta doada e bonita, moi bonita, sobre todo o tramo que comeza na Ponte dos Coruxos e discorre por unha carballeira paralela ao Rego dos Coruxos.

O percorrido non supón ningunha dificultade técnica, salvo un par de chanzos de pedra sobre o río.

COCIDO EN RESTAURANTE  O SANTI: MURAS

SOPA

EMPANADA

COCIDO

SOBREMESA

VIÑO,AUGAS, CAFE DE POTA.CHUPITO

AUTOBUS+COCIDO: SOCIOS,43. NON SOCIOS,45.

BON NADAL !!

BON NADAL E FELICES CAMIÑOS PARA O 2023

OS CAMIÑOS DA AGRA

NOGUEIRA DE RAMUÍN. ENTRE OURENSE E SANTO ESTEVO

 

ENTRE OURENSE E A RIBEIRA SACRA

SÁBADO 26 E DOMINGO 27

ABRE ESTE ENLACE

ENTRE A LEMBRANZA E O FUTURO: nova temporada 22/23

 

LEMBRANDO O PASADO E MIRANDO O FUTURO

VELLOS E NOVOS CAMIÑOS PARA UNHA NOVA TEMPORADA

SETEMBRO.: Val de Paderne – Esperante. O Courel

OUTUBRO: Nogueira de Ramuín. Ribeira Sacra. (Fin dde semana)

NOVEMBRO: Costa de Oleiros- Sada.

DECEMBRO:Celebremos o Nadal en familia.

XANEIR0: Rego das Coruxas. Concello de MURAS (COCIDO)

FEBREIRO: Rota do Castro, PR-G 196. A ESTRADA.

MARZO: Margallón- Río Sor- Margallón. O VICEDO.

ABRIL: Rota da Cubela. QUIROGA.

MAIO: Fin de semana en MANZANEDA.

XUÑO: Anguías e troitas no río Miño. MESÓN DA COVA.

RIAÑO: ENTRE AUGA, FAIEDOS E MONTAÑAS.

 Longo tempo aprazada pola Covid, Os camiños da Agra  encamiñan os seus pasos cara as terras de Riaño para escoitar ás campás dos vellos pobos asulagados e andar entre os faiedos onde emerxen os cumes que gardan as augas do encoro.

Os camiños da Agra

REMATAMOS A TEMPORADA 20/21 E SAUDAMOS A PRÓXIMA , 21/22

 Case podiamos repetir o titular da temporada anterior, " Adeus a unha temporada para esquecer"  mais, desta vez, semella que se abre unha luz e podemos agardar unha próxima máis ou menos normal.

Os camiños da Agra rematan  o 20/21 probando  troitas, anguías e un churrasquiño no Restaurante Río Loio e foi unha pena que non o puideran compartir maís xente pois estaba de moi bo dente. Aínda así trinta valerosas e valerosos camiñantes fechamos unha nova temporada e abrímoslle paso á do 21/22 da que vos adxunto a programación.

Un saúdo e bon verán para todas e todos !!!

Os camiños da  Agra.

NOVOS SENDEIROS / NOVOS CAMIÑOS

2021 /2022

RIAÑO, AUGA E MONTAÑAS.

1- SETEMBRO. ROTA DO MIÑO, PEROXA- OS PEARES.

2-OUTUBRO (30,31,1). RIAÑO (LEÓN)

3- NOVEMBRO. CONCELLO DE VILASANTAR.

DECEMBRO, DESCANSAMOS.

4- XANEIRO. ROTA DOS MUÍÑOS EN RODEIRO, COCIDO NO CABALEIRO DE VIANA.

5- FEBREIRO. CEA – DOZÓN.

6-ABRIL. PRIMAVERA NA RIBEIRA SACRA( FIN DE SEMANA)

7- MAIO. ROTA DA AUGA, BAIO

8-ROTA DA CASTAÑA E DO MEL. COMIDA NO LOR.

http://oscaminhosdaagra.blogspot.com/

aminhavaca@gmail.com / 672313183.

Nota: nas rotas de fin de semana ou con comida as inscricións pecharanse o mércores anterior. As persoas que se dean de baixa a posteriori deberán aboar a metade do custe da saída

DE OZA A BETANZOS: FERVENZAS DA REXIDOIRA E SENDA DO MENDO

Continuamos coas nosas camiñadas sen viaxar moito, mantendo as medidas de seguridade a que nos obriga o a covid- 19 e procurando prepararnos para os tempos mellores que de seguro virán.

O domingo 30 de maio os nosos pasos levarannos de Oza a Betanzos, abeirando o río Mendo, primeiro desde as fervenzas da Rexidoira e logo camiñando a súa beira até a vila de Betanzos.

Domingo 30 de maio, saída ás 9,30.

Os camiños da Agra.

​

​PD.

40 prazas no autobús, tapabocas obrigatorio e camiñamos gardando​ as distancias de seguridade.Pola mañá non haberá parada para o café pero pola tarde tomaremos as cervexas en Betanzos.