O REGO DOS CORUXOS
SÁBADO 26 DE NOVEMBRO
SAÍDA ÁS 9
Un pequeno e fermoso percorrido pola Serra do Xistral.
Desta vez non se trata de subirmos os cumes senón de adfentrarnos no corazón da serra, as terras de Viveiró.
Empezamos a camiñar no propio Viveiró iniciando unha pequena subida por asfalto ate a aldea de Coruxos. Nesta aqltira abandonamos o asfalto e collemos unha pista de terra que nos leva cara ao regato e que nos acompañará na maior parte do percorrido. Camiñamos pola beira do Coruxos e atravesamos unha zona de turbeiras antes de atravesar o río. Agardamos que no chova moito, a turbeira énchese de auga e o paso complícase.
Unha vez que deixamos o rego dos Coruxos iniciamos un pequeno e agradábel ascenso que nos levará até Piucos a última aldea do noso camiño de hoxe.- Este tramo ofrécenos unhas fermosas vistas sobre o Xistral.
