As rotas do contrabando.Terra de arriba

Empezaremos polo camiño de San Rosendo para ilo completando pouco a pouco.Xa fixeramos o trecho  alto da Vieira-Aquis Querquennis e hoxe tócalle, alto da Vieira-Celanova. Un paseo para estirar as pernas e preparármonos para o domingo.
 No concello de Vilardevo encontraremos, non só, unha preciosa rota entre castiñeiros  e cunhas vista propias da "terra de arriba" ,tamén unha das mellores fervenzas de Galicia.Aí vos deixo unhas imaxes para facer boca



                              

         

VILAR DE MOUROS- DOADE(ROTA CON COCIDO)

Ano novo,vida nova, dí o refrán e para empezalo con bo xeito,nada mellor que un cocidiño en Doade e un percorrido de 11 quilómetro pola Ribeira Sacra.
Imos facer un trecho da marabillosa rota Doade-Augasmestas saíndo de Vilar de Mouros cara a Doade e pasando polo impresionante mirador de Pena do Castelo.

 
Inmellorábeis vistas do Canón do Sil,viño de Amandi,porco e grelos da propia terra ,que máis queredes para empezar o ano ??

PD
Para a próxima temporada xa estamos preparando a 2ª parte da rota con troitas e anguías en Roirós.




 

ROTA DA SAÚDE

O próximo domingo, día 27, agárdanos unha das rotas máis bonitas do Courel que aproveitaremos ,como corresponde, para eliminar algunhas das graxas acumuladas nestas festas e prepararnos para as que virán.

Empezaremos cun cafe en Quiroga e cunha visita ao mirador de Campodola e logo seguiremos camiño cara a Folgoso,onde comezaremos a rota: Folgoso,castro da Torre,Sobredo e Baldomir,nomes que abren paso a unhas vistas espectaculares sobre a Pena Boa,Pía Paxaro e outros cumes do Courel.Sempre co lor aos nosos pés e co Louzara a agardar por nós.

A rota pódese facer circular con saída e chegada en Baldomir,Folgoso ou Ferreirós de Abaixo.Un pracer.

Ferreiros de abaixo,penaboa,pía paxaro.

https://youtu.be/3ZOpeVzxTeU

Rota da saúde e do colesterol.

Recén chegados  do camiño Primitivo, atravesando as terras de Paravella,A Lastra,Fontaneira e o Cádavo,acompañados por un día espléndido e unhas paisaxes marabillosas.

A rota fíxósenos corta e quedamos con gañas de máis e, que mellor que facer unha para eliminar ese produtos tan queridos e tan perxudiciais para a nosa saúde e prepararnos para as uvas e as futuras análises do colesterol que virán despois de navidades.

Polo camiño primitivo

DE PARADAVELLA AO CÁDAVO

Subindo e baixando continúamos o Camiño Primitivo que nos vai achegando a Lugo, un bo lugar para visitar a zona dos viños,probalos e acompañalos dalgunha tapiña,ben cumprida como diría o Manuel.Os nosos camiños non chegarán desta vez alá mais isto non debe impedir a vosa visita, Lugo,merécea.

O domingo 29 de novembro percorreremos outra etapa do CAMIÑO PRIMITIVO que, aínda que marca o inicio da cultura xacobea universal e transcorre por lugares de interese histórico e ambiental, é obxecto de innumerábeis alteracións que merecen ser coñecidas e denunciadas. O punto de inicio do roteiro será o núcleo de Paradavella, pertencente ao concello de A Fonsagrada, no que poderemos contemplar algúns exemplos da arquitectura tradicional desta área de montaña.

Avanzando pola vertente oriental da Serra da Lastra, entraremos nas terras do concello de Baleira, no que destaca o casarío de Degolada, que delimitaba fai séculos o “Condado de Naviensis”. Superando a cota 800 acadaremos o núcleo de San Xoán de Lastra, onde os peregrinos preparábanse para o ascenso ao alto da Fontaneira (950 m), lugar cunha igrexa adicada a Santiago.

O topónimo da Fontaneira alude a que este é o lugar de nacemento do río Neira, e corresponde ademais á divisora das cuncas doutros ríos: o Eo e o Navia. Na baixada á Vaganta do Trabeiro o camiño pasa polo Monte das Cruces, que albergou no pasado un camposanto, e continúa cara ao Campo da Matanza. Neste lugar foron descubertos a finais do século XIX varios enterramentos e restos de armamento que poderían derivar, segundo algunhas hipóteses, das loitas con tropas musulmanas que se agochaban na garganta chamada A Trincheira.

Dende a Matanza, contemplando a beleza do Val do Neira, báixase á moderna capitalidade do Concello de Baleira: O Cádavo. Se as forzas dos camiñantes o permiten, poderíase continuar o roteiro e, coroando a serra da Vacariza na Cruz de Pedra (840 m), entrar en terras do concello de Castroverde e chegar ao lugar de Vilabade, que conta con importantes elementos patrimoniais.

O roteiro ten unha lonxitude próxima aos 14 km (algúns máis se se continúa ata Vilabade).

Pode considerarse de dificultade media, polas súas frecuentes subidas e baixadas.

Era a 1ª e,NOTOUSE. !

A primeira rota da temporada prometía ser un paseo polas terras do Courel acompañados das primeiras cores do outono,que sempre é unha gozada.Mais,o calor púxonos as cousas algo complicadas,ben é certo que estabamos  desentrenados e as cervexas do mediodía baixáronnos a tensión.
Tudo ben,listos para a seguinte.

Para a próxima rota como vexo que a xente quere refrescar un bocadiño,imos cara ao mar e visitaremos a costa asturiana.